उमेश रोकाया,बाजुरा- जिल्लाको हिमाली गाउँपालिका एक घर आगलागीबाट धनजन सहित जलेर नष्ट भएको छ।
हिमाली गाउँपालिका वडा नम्बर ६ धुलाचौरमा रहेको पुर्वलाल पाण्डेको घरमा आगलागी भएको छ। आज दिउँसो बिजुली बत्तीको तारमा समस्या भएको हुँदा घर आगलागी बाट घरमा रहेकोे सम्पूर्ण जिन्सी, नगद, गहना र खाद्यान्न लगायत सामानको पुर्ण रूपमा क्षति भएको स्थायी प्रहरी चौकी धुलाचौर इन्चार्ज धुर्वराज न्यौपाने जनाएको छ।
घरमा राखिएको ठुलो छड्के तिलहरी, माझी तिलहरी, टिकटक, झुम्का सहित डेट तोला गहना नगद ४ लाख ४० हजार चादी ४ के.जी. मोबाइल २ थान सोलार पाता २ वटा खाट र खटिया गरेर ४ वटा लगायत खाद्यान्न सामाग्री जलेर नष्ट भएको प्रहरी चौकी इन्चार्ज न्यौपानेले जनाएको छ।
