कार्य सम्पादन मुल्याङकनमा मन्त्री पाण्डेको पर्फर्मेन्स उत्कृष्ट,८०.५५%

पर्यटन मन्त्री ब्रदी प्रशाद पाण्डेको मन्त्रालयले पनि हरेक क्षेत्रमा राम्रो सुधार गर्दै गईरहेको देखिएको छ । संस्कुति,पर्यटन तथा नागरिक उड्ुडयनका क्षेत्रमा मन्त्रालयले राम्रो कार्य गर्दै अगाडी बढिरहेको तथ्याकंले देखाएको छ ।कानुन मन्त्रालय र पर्यटन मन्त्रालयले दृढतापुर्वक आफ्नो जिम्वेवारी बहन गरेर ६ महिनामा राम्रो नतिजा ल्याउन सफल भएका छन् ।समग्र देशको संस्कृति,पर्यटन तथा हवाई क्षेत्रको सुधार र विकासमा लागीरहेका मन्त्री पाण्डेले पर्फर्मेन्स उत्कृष्ट देखाएका हुन् । “कामको परिणाम जादुको छडी घुमाएको जस्तो हुदैन्,जसको परिणाम बिस्तारै आउँछ ” भन्ने हेतुका साथ अगाडी बढिरहेका पाण्डेले ६ चालु आर्थिक बर्षको पहिलो ६ महिनाको प्रगती विवरण पर्फर्मेन्स उत्कृष्ट ल्याउन सफल भएका हुन् ।

मन्त्री पाण्डेले सर्वप्रथम मन्त्रालयले नितिगत परिर्वतन,र कानुनी परिर्वतनको एउटा राम्रो बाटो तय गरेर अगाडी बढेको हुँदा त्यसबाट राम्रो परिणाम ल्याउन सजिलो भएको बताएका छन् ।उहाँले भन्नुभयो,“मन्त्रालयले नितिगत तथा कानुनी सुधारकै बाटोबाट अगाडी बढेर काम गरिरहेको हुँदा यस्तो परिणाम ल्याउन सकेको हौ ” ।बिभिन्न चुनौतीले गर्दा भने अनुसार सत प्रतिशत परिणमा ल्याउन नसकिए पनि आगामी दिनहरुमा थप कमजोर पाटोलाई सुधार गर्दै सत प्रतिशत अङक ल्याउने गरि कार्य सञ्चालन गरिने उनले बताए । नेपालको संस्कृति,पर्यटन तथा नागरिक उड्डनका क्षेत्रमा आफु मन्त्री पदमा हुँदा सम्म रातदिन मन्त्रालयको काम कर्तब्यलाई उच्च प्राथामिकताका राखेर अगाडी बढाउने मन्त्री पाण्डेले बताएका छन् ।

बिभिन्न विमानस्थलको स्तरउन्नतीको बिस्तार कार्य पनि गर्नुपर्ने,हवाई तथा ,संस्कृतिका क्षेत्रमा पनि सुधार गर्नुपर्ने,पर्यटन तथा नागरीक उड्डयनलाई पनि थप मजबुल बनाएर अगाडी बढाएर लैजानुपर्ने लगायतका कामहरु बाँकी नै रहेकोले ति कार्यहरुलाई पुरा गरेर सत प्रतिशत अंङक ल्याउने गरि मन्त्रालयले जिम्वेवारी वहन गर्ने उनले प्रतिबद्धता ब्यक्त गरेका छन् । आन्तरिक विमानस्थललाई निजीक्षेत्रको सहकार्यमा पाराग्लाइडिङ, पारासुट, स्काई डाइभिङ, अल्ट्रालाइट जस्ता मनोरञ्‍जनात्मक र साहसिक पर्यटकीय गतिविधिका लागि उपयोग गर्नुपर्ने सरकारी प्रतिबद्धतालाई पनि अगाडि बढाउनुपर्ने हुँदा यस्ता बिभिन्न कार्यहरु सञ्चालन भईरहेको र क्रमिक रुपमा कार्यहरु पुरा हुँदै राम्रो परिणाम आउँने क्रम जारी रहने मन्त्री पाण्डेले बताए ।

मन्त्री पाण्डे बाजुराबाट २०७९ मंसिर ४ गते भएको प्रतिनिधिसभा सदस्य निर्वाचनमा बाजुरा क्षेत्र नं १ बाट प्रत्यक्ष निर्वाचित भएका थिए ।पाण्डे नेविसंघको राजनीतिबाट उदाएका पार्टीको केन्द्रीय सदस्य, पार्टीको सहमहामन्त्री हुँदैे अहिले नागरिकक उड्डयन तथा पर्यटन मन्त्री बनेका छन् ।पिछडिएको क्षेत्रको पनि प्रतिनिधित्व हुने र सरकारमा रहेर काम पनि गरेर देखाउन सक्ने छवि पाण्डेमा रहेको छ । तीन तिन पटक संसदमा प्रतीनिधित्व गरिसकेका पाण्डे पहिलो पटक मन्त्रिको रुपमा सरकारमा सहभागी छन्।

उहाँ त्यो भन्दा अगाडी २०७० सालको संविधान सभाको समानुपानिक सांसद,र २०७४ मा राष्ट्रिय सभाका सदस्य पनि भइसकेका थिए ।प्रत्यक्ष निर्वाचन प्रणालीबाट २०७९ मा बाजुराबाट प्रतिनिधी सभामा निर्वाचित भएपछि पार्टीको गगन र शेखर कोइराला टिमबाट सहमहामन्त्री पाण्डे मन्त्री बनेका थिए ।