पाण्डे संस्कृति पर्यटन मन्त्रीमा नियुक्त,सपथपछि आजै पदभार ग्रहण गर्दै 

बाजुरा-  नेपाली काँग्रेसका सहमहामन्त्री तथा प्रतिनिधी सभाका सदस्य बद्रीप्रसाद पाण्डे नेकपा एमालेका अध्यक्ष केपी ओली नेतृत्वको सरकारमा संस्कृति पर्यटन तथा नागरिक उड्यन मन्त्रीमा नियुक्त  भएका छन् ।
काँग्रेसका सहमहामन्त्री पाण्डे पहिलो पटक मन्त्री बनेका हुन् । उनी २०७० सालको संविधान सभाको समानुपानिक सांसद,२०७४ मा राष्ट्रिय सभाका सदस्य पनि भइसकेका थिए ।
प्रत्यक्ष निर्वाचन प्रणालीबाट बाजुराबाट प्रतिनिधी सभामा निर्वाचित भएपछि पार्टीको गगन र शेखर कोइराला टिमबाट मन्त्री बनेका हुन् ।
उनले आज नै राष्ट्रपति भवन शितल निवासमा पद तथा गोपनीयताको सपथ लिएको छन् ।
पद तथा गोपनीयताको सपथपछि मन्त्रालयमा पुगेर पदभार ग्रहण गर्ने काँग्रेसका युवा नेता  रुपेश धामीले बताएका छन् ।
विद्यार्थी हुदै राजनितिमा सक्रिय भएका पाण्डे नेविसंघ बाजुरा अध्यक्ष बन्दै सेती अञ्चल केन्द्रीय सदस्य,पिछडिएको क्षेत्रको केन्द्रीय सदस्य र काँग्रेसको १४ औं महाधिवेशनबाट पिछडिएको क्षेत्रबाट सहमहामन्त्रीमा विजयी भएका थिए ।
पार्टीको विभिन्न विभागमा काम गर्दै आएका पाण्डे जिल्लाको हिमाली गाउँपालिका साविकको रुगिन गाविसमा जन्मेका पाण्डे राजनिति  उत्तिकै भूमिका रहेको छ ।
दुर्गम जिल्लाबाट राजनितिमा उदाएका पाण्डेले जिल्ला प्रदेश र केन्द्रमा आफ्नो छवि बनाउदै आएका छन् । राष्ट्रिय राजनितिमा प्रभाव राख्ने पाण्डे मन्त्री नियुक्त भएपछि जिल्लामा नेता तथा कार्यकर्ता शुभचिन्तकहरुले बधाइ ज्ञापन गरेका छन् ।

• संसद विघटन