नेकपा एकीकृत समाजवादीको बिजय जुलुसलाई एमाले कार्यकर्ताले आकर्मण गर्दा आठ जना घाइते
सेती कर्णाली खबर
मङ्लबार, जेष्ठ ३, २०७९ १३:0४
बझाङ, जेठ ३- नेकपा एकीकृत समाजवादीको विजय जुलुसमा नेकपा एमालेका कार्यकर्ताले आक्रमण गरेका छन् । बझाङको थलारा गाउँपालिका वडा नम्बर ९ मा विजय जुलुस मनाउने क्रममा एमालेका कार्यकर्ताले आक्रमण गरेका हुन् ।
वडाध्यक्षमा एकीकृत समाजवादीका लोकेन्द्रबहादुर विष्ट ४ सय ८७ मत ल्याएर विजयी भएका थिए । भने उनका प्रतिस्पर्धी एमालेका हिराप्रकाश भण्डारी चार सय ३८ मत ल्याएर पराजित बनेका थिए ।
वडाध्यक्षमा समाजवादीले जितेपछि विजय जुलुस मनाउने क्रममा एमालेका कार्यकर्ताले ढुङ्गामुढा गरेका थिए । ढुङ्गामुढा प्रहारबाट समाजवादीका आठ जना घाइते भएका छन् । घाइतेमध्ये तीन जनाको अवस्था गम्भीर रहेको प्रहरीले जानकारी दिएको छ ।
अहिले त्यहाँको सुरक्षा व्यवस्था कडा पारिएको प्रहरीले जनाएको छ ।- Hamro sanchar
