किसानलाई उन्नत जातका बाख्रा र फलफूलका बिरुवा बितरण
सेती कर्णाली खबर
बिहिबार, असार १६, २०७९ १४:११
१६ असार , बाजुरा- जगन्नाथ गाउँपालिकाले कृषकहरुलाई उन्नत जातका बाख्रा र बिरुवा वितरण गरेको छ। किसानहरुको प्रत्यक्षरूपमा आयआर्जन बढाउने उद्वेश्यका साथ वडा नं १ देखि ६ सम्मका किसानहरूलाई पन्ध्र हजार कागती, सुन्तलाका बिरूवा,र १६० वटा जमुनापारी जातका बाख्रा, ५०% बाेयर जातका १२वटा बाेका आज जुड्डीमा वितरण गरिएको हो। हरेक वर्ष छ-छमहिनामा गाउँपालिकाले सबै वडामा बितरण भएका उन्नत जातका बिरुवा , बोका र वाख्राको स्थलगत अनुगमन गर्ने गाउपालिका प्रवक्ता गणेश राजगिरिले बताए।
व्यवसायिक रुपले फलफुलखेति र पशुपालन गर्ने यूवा/ युवतिहरुलाई गाउँपालिकाले प्रोत्साहन स्वरुप पुरस्कार दिने ब्यवस्था गरिएको गाउँपालिका अध्यक्ष काली बहादुर शाहीको भनाइ रहेको छ। जन जिविकामा र प्रत्येक्ष लाभ हुने गरि आयआर्जनका कार्यक्रमहरू यस पटक गाउँ सभाबाट नीति तथा कार्यक्रमहरू पास गरिएको छ।
