शुलभ चन्द, दोहा– नेपाली महिलाहरूको महान चाड हरितालिका तीजको अवसरमा कतारमा बृहत् सांस्कृतिक कार्यक्रम सम्पन्न भएको छ । एनआरएनए कतारको समन्वय तथा कतारमा स्थापित विभिन्न ९० वटा संघसंस्थाको संयुक्त आयोजनामा ‘तीज विशेष कार्यक्रम २०२२ सम्पन्न भएको हो ।
एनआरएनए कतारका अध्यक्ष मोहमद मुक्तदा मुसलमानको सभापतित्व तथा नेपाली राजदूतावास कतारका राजदूत महामहिम डा. नरेश ढकालको प्रमुख आतिथ्यतामा कार्यक्रम सम्पन्न भएको हो । कार्यक्रममा एनआरएनए आइसिसीका विभिन्न तहका पदाधिकारीहरू, आयोजक संस्थाहरूका अध्यक्ष तथा प्रतिनिधिसहित विभिन्न संघसंस्थाका प्रतिनिधिको विशिष्ट आतिथ्यता रहेको थियो ।
नेपाली बाहेक अन्य आप्रवासी कम्युनिटीबाट पनि विशेष आतिथ्यता रहेको कार्यक्रममा दर्जन भन्दा बढी वक्ताहरूले शुभकामना मन्तव्य राखेका थिए । शुभकामना मन्तव्यका क्रममा प्रमुख अतिथि राजदूत ढकालले नारीहरूलाई लक्ष्मीका रूपमा पुज्दै रमाउने अवसर दिनु पर्ने बताए । उनले यो पर्व नारीको पर्व भएको हुँदा पुरुषले उनीहरूलाई सम्मान पूर्वक स्थान दिनुपर्नेमा उल्टै तीजको कार्यक्रममा पुरुषका भाषण धेरै भएको बताए । तीज महिलाको पर्व भएको हुनाले उनीहरू नै हर्ताकर्ता हुनुपर्ने ढकालको भनाइ थियो कार्यक्रममा कतारमा रहेका थुप्रै कलाकारहरूले आफ्नो सांगितिक प्रस्तुति दिए । नेपालबाट आमन्त्रित लोक तथा दोहोरी गायिका शर्मिला बिसीले कास्की पोखरा, मेरो माया बसेका गाँउमा लगायत आधा दर्जन गीत प्रस्तुत गरेकी थिइन् । कुशल नृत्याङ्गना रुबिना अधिकारीले आफूले अभिनय गरेको सोचेझैँ जिन्नकी रैनच भन्ने गीतमा आकर्षक नृत्य प्रस्तुत गरेकी थिइन । अधिकारीले चरी जेलैमा गीतमा नृत्य प्रस्तुति गरीरहँदा दर्शक हरुको हुटिङले हल गुञ्जायमान भएको हो ।
नेपालबाट आमन्त्रित कलाकार मध्य सुनिता बुढा क्षेत्रीले अहिलेको चर्चित तीज गीत झमझम झम्कनामा उपस्थित सबैलाई नचाइन । उनले गाउँदा कार्यक्रमका प्रमुख अतिथिसमेत उठेर छमछमी नाचेका थिए । सुनिताले आफ्ना आधा दर्जन भन्दा बढी हिट गीतहरू पेस गरे पनि झम झम झमकाना २ पटक एकल र एक पटक डोयट गरी ३ पटक सम्म प्रस्तुत गरेकी थिइन् । उनले गाउँदा दर्शकले ताली बजाएर साथ दिएको थिए ।
कार्यक्रम संयोजक तथा एन आर एन ए एनसीसी कतारका प्रथम उपाध्यक्ष तथा संघ सस्था समन्वय प्रमुख जैबी चाम्लिङ राईले स्वागत मन्तव्य राखेको कार्यक्रमलाई महासचिव पदम गिरीले सहजीकरण गरेका थिए । राष्ट्रिय लोक तथा दोहोरी गीत प्रतिष्ठान कतार शाखाका कलाकारहरूले स्वागत गीतद्वारा उपस्थित अथिति तथा दर्शक हरुलाई स्वागत गरेका थिए । करिब ७/८ सय जना सहभागी रहको कार्यक्रमको समापन गर्दै सभापति मुक्तदाले महिलाहरूको महान पर्वलाई एक साथ मनाउनका लागी सहकार्य गर्ने आयोजक संस्था सहित सबैलाई धन्यवाद ज्ञापन गरेका थिए ।
कार्यक्रममा एनआरएनए आइसिसीका विभिन्न तहका पदाधिकारीहरू, आयोजक संस्थाहरूका अध्यक्ष तथा प्रतिनिधिसहित विभिन्न संघसंस्थाका प्रतिनिधिको विशिष्ट आतिथ्यता रहेको थियो ।
तीज महिलाको पर्व भएको हुनाले उनीहरू नै हर्ताकर्ता हुनुपर्ने ढकालको भनाइ थियो कार्यक्रममा कतारमा रहेका थुप्रै कलाकारहरूले आफ्नो सांगितिक प्रस्तुति दिए । नेपालबाट आमन्त्रित लोक तथा दोहोरी गायिका शर्मिला बिसीले कास्की पोखरा, मेरो माया बसेका गाँउमा लगायत आधा दर्जन गीत प्रस्तुत गरेकी थिइन् । 
कुशल नृत्याङ्गना रुबिना अधिकारीले आफूले अभिनय गरेको सोचेझैँ जिन्नकी रैनच भन्ने गीतमा आकर्षक नृत्य प्रस्तुत गरेकी थिइन । अधिकारीले चरी जेलैमा गीतमा नृत्य प्रस्तुति गरीरहँदा दर्शक हरुको हुटिङले हल गुञ्जायमान भएको हो ।
