५० प्रतिशत अनुदानमा गहुँ र हिउँदे आलुको बीउ कृषकलाई दिने

उमेश रोकाया/बाजुरा- जिल्लाको हिमाली गाउँपालिकाका कृषकहरुलाई ५० प्रतिशत मुल्य अनुदानमा गहुँ र हिउँदे आलुको बीउ वितरण गर्ने भएको छ।

५० प्रतिशत मुल्य अनुदानमा कृषि सहकारी, समुह, व्यवसायीक कृषि फर्म र कृषकहरुलाई गहुँ र हिउँदे आलुको बीउ माग गर्ने हिमाली गाउँपालिकाले वताए। हिमाली गाउँपालिका कृषि विकास शाखाको आर्थिक वर्ष २०८०/०८१ को वार्षिक स्वीकृत कार्यक्रम अन्तर्गत कृषि सहकारी, समुह, व्यवसायीक कृषि फर्म र कृषकहरुलाई गहुँ र हिउँदे आलुको बीउ वितरण गर्ने भएको छ।

सूचना प्रकाशित असोज २ गते अनुसार एक हप्ता भित्र आवश्यक पर्ने गहुँ र हिउँदे आलुको बीउ माग लागि वडा कार्यालय तथा हिमाली गाउँपालिका कृषि विकास शाखामा सम्पर्क गर्न समेत आग्रह गरेको छ। कृषकलाई माग गर्दा नेपाली नागरिकताको प्रमाण पत्रको प्रतिलिपी सहित बिउ माग गर्दा ५०% बराबर हुन आउन प्रति किलोग्राम रकम पहिला नै जम्मा गर्नुपर्ने हिमाली गाउँपालिका कृषि विकास शाखा निमित्त प्रमुख पुजन थापाले वताए।

गहुँको मुल्य बीउ प्रति किलोग्राम रु. ५०/- आलुको उन्नत जातको बीउ प्रति किलोग्राम रु. ३५/- गहुँको उन्नत बिउ प्रति किलोग्राम रु.४०/- आलु स्थानीय बीउ प्रति किलोग्राम रु. २०/- दर समेत खुलाएको छ। सोही अनुसार रकम ५०% प्रतिशत रकम पहिला दिनुपर्ने भएको छ। कृषि सहकारी र समुहको हकमा बीउ माग सम्बन्धि निर्णय र कर चुक्ता वा नविकरण गरेको प्रमाणपत्र पेश गर्नुपर्ने शाखा प्रमुख थापाले बताएका छन।

• संसद विघटन