स्याउ बगैंचामा स्थलगत अवलोकन गर्दै: अध्यक्ष रोकाया

बाजुरा- जिल्लाको उत्तरी भेगमा रहेको स्वामिकार्तिक खापर गाँउपालिकामा रहेका स्याउ बगैंचामा स्थलगत पालिका अध्यक्ष भरत बहादुर रोकाया द्धारा अबलोकन गरीएको छ ।

पालिका भित्र रहेका उचित गुणस्तरिय स्याउ फल्ने बगानहरुको अबलोकन गरीएको अध्यक्ष रोकायाले बताएका छन । उहाँले भन्नुभयो पालिकालाई स्याउ लगायत अन्य फलफुल खेतीमा आर्कषित गरी पालिकालाई स्याउ उत्पादनमा आत्मनिर्भर बनाउन सधै अगाडी बढीरहेको पनि बताउनुभएको छ । पालिका भित्र उचित स्याउ फल्ने स्थानको माटो परिक्षण गरी स्याउ उत्पादनमा बढवा दिन पालिका सधै लागी पर्ने पनि बताएका छन ।

पालिकामा उत्पादन गरीएका स्याउहरु पालिका भित्रै मात्र नभई जिल्ला र छिमेकी जिल्लाहरुमा पनि निर्यात गरीने अध्यक्ष रोकायाले बताउनुभएको छ । पालिका भित्र रहेका सबै बगानहरुका स्याउ राम्रो संग पाकिसकेपछि संकलन गरेर अन्य बाहिर छिमेकी जिल्लाहरुमा बिक्रिको लागी पठाइने पनि उहाँले बताउनुभएको छ ।

पालिका भित्र रहेका स्याउ बगानबाट उत्पादित स्याहरुको उचित भण्डारको लागी कोल्ड स्टोरको समेत ब्यबस्था गरीने उहाँले बताएका छन । पालिका भित्र कुनै पनि कृषकले उत्पादन गरेका स्याउहरु खेर जान नदिने सबै कृषकका स्याउ संकलन गरेर तत्काल बिक्रिको लागी पठाइने पनि बताउनुभएको छ । पालिकालाई स्याउ फलफुल उत्पादनमा आत्मनिर्भर बनाउने लक्ष्य पुरा गर्ने पनि बताउनुभएको छ ।

स्याउको संरक्षण तथा संकलनको लागी कर्मचारी खटाएर भए पनि सबै कृषकका स्याउ संकलन गरीने अध्यक्ष रोकायाले बताएका छन । आज पालिका भित्र रहेका धेरैजसो स्याउ बगैचाको अवलोकन गर्नुभएका अध्यक्ष रोकायाले पालिकामा पनि राम्रो स्याउ फल्ने बताएका छन । यदि सबै कृषकले थप मेहेनतका साथ स्याउ खेतीमा लाग्ने हो भने मनग्य आम्दानी पनि कमाउन सकिने रोकायाले बताएका छन । उक्त अवलोकन कार्यक्रममा अध्यक्ष रोकाया लगायत पालिका उपाअध्यक्ष,पालिकाका बिभिन्न शाखामा कार्यरत कर्मचारीहरु,स्थानियहरुको उपस्थितमा बगानहरुको अवलोकन गरीएको बताइएको छ ।

• संसद विघटन