नेपालगन्जमा सवारी दुर्घटना हुँदा छोरीको मृत्यु , बाबू घाइते
सेती कर्णाली खबर
आइतवार, मंसिर १०, २०८० १८:११
पवन तिमिल्सिना ,नेपालगन्ज / नेपालगन्जको धम्बोझीमा भएको सवारी दुर्घटनामा परी १७ वर्षिय छोरीको मृत्यु भएको छ भने बाबू घाइते भएकाछन । मृतक किशोरीको सनाखत भएको छ । धम्बोझीबाट सेतुबिक जाने चोकको जेब्रा क्रसिङमा ट्याङ्करको ठक्करबाट नेपालगन्ज १७ की १७ वर्षीया सालिनी पाठकको मृत्यु भएको प्रहरीले जनाएको छ ।
प्रहरीका अनुसार पूर्वबाट पश्चिम तर्फ जाँदै गरेको ना ३ ख ८८५२ नम्बरको ट्याङ्करले सोही दीशाबाट आउँदै गरेको भे ११ प ७६५७ नम्बरको मोटरसाइकललाई ठक्कर दिँदा मोटरसाइकल पछाडी सवार पाठकको मृत्यु भएको हो । ठक्करबाट पाठकका बुवा दिलीपकुमार पाठक घाइते भएको जिल्ला प्रहरी कार्यलय बाँकेका सुचना अधिकारी प्रहरी नायव उपरीक्षक नारायण डाँगीले सेतीकर्णाली खबरलाई बताएका छन । ठक्कर लगत्तै उद्धार गरि अस्पताल पठाइएकोमा चिकित्सकले किशोरी पाठकलाई मृत घोषणा गरेको उनले बताए ।
दुर्घटनाबारे अनुसन्धान सुरु गरिएको प्रहरीले जनाएको छ ।
