प्रदेशबाट बिनियोजन हुने रकममा कुनै विभेद हुदैन, मन्त्री शाही ।

पार्टी अलग होला, धारणा र सिद्धान्त फरक होला तर सवैले गर्ने विकाश एउटै बाजुराका लागि हो भन्दै उहाँले बाजुराको विकास अपरिहार्य रहेको बताउनुभयो । बाजुराका ९ वटै स्थानिय तहमा फरक फरक पार्टीका नेताले जितेको बताउदै मन्त्री शाहीले जुन स्थानिय तहमा जुन पार्टीका नेताले जीते पनि प्रदेशबाट विनियोजन हुने बजेटमा कुनै विभेद नहुने बताउनुभयो ।
नेकपा एकिकृत समाजवादिका केन्द्रिय सदश्य समेत रहनुभएका मन्त्री शाहीले आफ्ना पार्टीका नेताले जीतेको स्थानिय तहमा थोरै बढि र अर्का पार्टीका नेताले जीतेको स्थानिय तहमा कम बजेट विनियोजन नभई आफुले सवै स्थानिय तहका लागि समान बजेट विनियोजन गरिने बताउनुभयो । विगतका दिनमा टुक्रे योजना बाड्दै आसेपासेलाई पोस्याउने प्रवृतिले गाउँ समाजमा विकाश नभएको भन्दै उहाँले अव स्थानियलाई आबश्यक पर्ने योजनालाई मात्रै प्राथमिकता दिने बताउनुभयो ।
स्थानिय सरकारले ब्यक्तिगत योजना भन्दा पनि सिङ्गो समुदायलाई समेट्ने गरी ठुला योजना छनोट गरी प्रदेशमा पठाएको खण्डमा सोही अनुरुप बजेट विनियोजन गरीने उहाँको भनाई छ । बुढीनन्दा नगरपालिकाको कार्यालयमा नगरप्रमुख जनक कुमार बोहोराको अध्यक्षतामा संञ्चालन भएको स्वागत तथा चियापान कार्यक्रमको प्रमुख अतिथि प्रदेश सरकारका आर्थिक मामिला तथा योजना मन्त्री नरेश कुमार शाही रहनुभएको थियो ।