नेपाल शिक्षक महासंघको स्वामिकार्तिकमा धर्ना कार्यक्रम सम्पन्न

सेतीकर्णाली खबर

मनिषा शाही १३ भदौ, बाजुरा –  नेपाल शिक्षक महासंघ राष्ट्रिय समिति द्वारा आयोजित धर्ना कार्यक्रम स्वामिकार्तिकमा सम्पन्न भएको छ। स्वामिकार्तिक खापर गाउँपालिका प्रमुख प्रशासकीय अधिकृत देवराज  चौधरीलाई नेपाल शिक्षक संगठन जिल्ला अध्यक्ष हंश बहादुर बुढा र नेपाल शिक्षक महासंघ स्वामिकार्तिक सचिब हेमराज बुढाले ध्यानाकर्षण पत्र बुझाएका छन। ध्यानाकर्षण पत्रमा २०७५,२०७८ र २०८० सालमा नेपालसरकार र नेपाल शिक्षक महासंघ बिच भएका सहमतिहरु बिधालय शिक्षा विधेयकमा समेटीनु पर्ने माग लिइ एक शुत्रिय माग सम्बोधन गर्नको लागि २०८१/०८२ मा ८९ दिन आन्दोलन भएको थियो । उक्त आन्दोलनको मागहरु मध्य केही पुरा भएको र महत्त्वपूर्ण माग हरु सम्बोधन नभएका कारण नेपाल सरकारले अब ल्याउने विधालय विधेयकमा महत्त्वपूर्ण मागहरु सम्बोधन होस भनि ध्यानाकर्षण पत्र स्वामिकार्तिक खापर गाउँपालिमा बुझाएको नेपाल शिक्षक संगठन बाजुराको अध्यक्ष बुढाले सेतीकर्णाली खबरलाई जानकारी दिएका छन । गाउपालिका अध्यक्ष भरत रोकायाले ध्यानाकर्षण पत्रमा उल्लेख भएका कुराहरु स्थानिय तहले पनि कार्यान्वयन गर्ने अधिकार नभएको र नेपाल सरकारको ध्यानाकर्षण हुन जरुरी रहेको बताएका छन। स्वामिकार्तिक खापर गाउपालिकाको ध्यानाकर्षण भएको र नेपालसरकारको विधालय विधेयकमा शिक्षक संगठनका माग पुरा भए स्थानिय तहबाट कुनै रोकतोक नहुने कुरा अध्यक्ष रोकायाले प्रस्ट पारेका छन। स्वामिकार्तिक खापर गाउँपालिका भित्रका विधालयहरुमा कार्यरत शिक्षक/ शिक्षिकाहरुको बाक्लो उपस्थिति रहेको थियो ।

• संसद विघटन