बाजुरा- नेपाल प्रिमियर लिग (एनपीएल) अन्तर्गत आज कर्णाली याक्स र सुदूरपश्चिम रोयल्सबीच प्रतिस्पर्धा हुँदै छ । टस हारेर पहिले ब्याटिङ गरेको कर्णालीले निर्धारित २० ओभरमा सबै विकेट गुमाएर १०१ रन बनाएको छ ।
जवाफी ब्याटिङमा उत्रने सुदूरपश्चिमले जितका लागि १२० बलमा १०२ रन बनाउन पर्नेछ । सुदूरपश्चिमले यो खेल १२ ओभर दुई बलभित्रमा जित्न सके काठमान्डु गुर्खाज प्लेअफमा पुग्नेछ ।
कर्णालीका लागि जीशन मक्सूदले सर्वाधिक ३० रन बनाए । विलियम बसिस्टोले १६ रन बनाउँदा, बाबर हयातले १३ तथा चाडविक वाल्टन र सोमपाल कामीले समान ११ रन बनाए ।
सुदूरपश्चिमका लागि हरमित सिंहले सर्वाधिक तीन विकेट लिए । स्कट कुगेलेइन र दीपेन्द्रसिंह ऐरीले समान दुई विकेट लिए । सैफ जैबले एक विकेट लिए ।
