बाजुरा—बाजुरामा भरुवा बन्दुक सहित एक जना पक्राउ परेका छन् । जिल्लाको बुढीनन्दा नगरपालिका वडा नम्बर ४ ताडी बस्ने अन्दाजी २१ बर्षका तुलसी रोकाया पक्राउ परेका हुन् ।
सोमवार दिउँसाे इलाका प्रहरी कार्यालय बुढीनन्दाबाट खटिएको प्रहरी टोलीले विशेष सूचनाका आधारमा उनलाई पक्राउ गरेको हो ।
जिल्ला प्रहरी कार्यालय बाजुराका अनुसार ओढारमा लुकाइछिपाइ राखेको अवस्थामा एक थप भरुवा बन्दुक सहित उनलाई पक्राउ गरिएको जानकारी दिएको छ । पक्राउ परेका रोकायालाई म्याद थपका लागि जिल्ला अदालतमा पेश गरिएको र घटनाको आवश्यक अनुसन्धान भइरहेको प्रहरीले जनाएको छ ।
त्यस्तै यहीँ वैशाख २६ गते सोही नगरपालिका ७ की अन्दाजी ५० बर्षीय काली जैशीको जंगलमा विस्फोट हुँदा मृत्यु भएको थियो । त्याँहाका स्थानीयहरुले घटनास्थलमा बम पड्केको जस्तो ठूलो आवाज आएको बताएका छन् ।
प्रहरीले पनि सो घटनाको बारेमा अनुसन्धान भइरहेको जनाएको छ ।
