बाजुराको स्वामिकार्तिकमा पुन: शाही भए निमित्त प्रमुख प्रशासकीय अधिकृत

सेतीकर्णाली खबर   शारदा शाही २ फागुन   बाजुरा/ स्वामिकार्तिक खापर गाउँपालिकाले पुनः पारस बहादुर शाहीलाई निमित्त प्रमुख प्रशासकीय अधिकृतको जिम्मेवारी दिएको छ।  २०८१ /११/२६ मा  सामान्य प्रशासन मन्त्रालयको निर्णयको निर्देशनअनुसार सिनियर तथा ज्येष्ठ कर्मचारीलाई नियुक्त गर्नुपर्ने भएकोले  गाउँपालिकाले स्वास्थ्य शाखा प्रमुख शाहीलाई यो जिम्मेवारी सुम्पेको गाउँपालिका सुचना अधिकारी कुमेर शाहीले सेतीकर्णाली खबरलाई जानकारी दिनुभएको छ। । यसअघि निमित्त प्रमुख प्रशासकीय अधिकृत अमर बहादुर रोकाया  हुनुहुन्थ्यो । रोकाया   शाही भन्दा   जुनियर भएका कारण मन्त्रालयको निर्देशनलाई आधार मानेर शाहीलाई  निमित्त  प्रमुख प्रशासकीय  अधिकृत बनाएको हो।  मन्त्रालयले प्रमुख प्रशासकीय अधिकृत नपठाए सम्मका लागि शाहीलाई जिम्मेवारी दिएको गाउँपालिका जनाएको छ।  इमानदार, निष्ठावान, र सक्षम कर्मचारीका रूपमा परिचित शाहीले यसअघिको कार्यकालमा पनि प्रशासनिक व्यवस्थापनलाई चुस्तदुरुस्त बनाउन महत्वपूर्ण योगदान दिनुभएको स्थानियहरुको भनाइ छ।शुक्रबार दिउँसो कार्यपालिकाको बैठक बसेर शाहीलाई औपचारिक रूपमा जिम्मेवारी हस्तान्तरण गरिएको हो। पदभार ग्रहण गरेपछि गाउँपालिकाका कर्मचारी, स्थानीय जनप्रतिनिधि, तथा शुभेच्छुकहरूले उहाँलाई सामाजिक सञ्जाल र प्रत्येक्ष  भेटेर बधाई  दिनेको ओइरो लाग्ने गरेको छ।

• संसद विघटन