सातौं जिल्ला सभाबाट चौध निर्णय पारित गर्दै सम्पन्न

सेतीकर्णाली खबर बाजुरा- जिल्ला समन्वय समिति बाजुराको शुक्रबार भएको सातौं जिल्ला सभाबाट विभिन्न १४ निर्णय पारित गर्दै सम्पन्न भएको छ ।
स्थानीय जिल्ला समन्वय समिति संचालन कार्र्य विधी २०७४ अनुसार  हरेक वर्ष हुदै आएको सभा आज सकिएको हो ।
सभाले जिल्लाको विकास निर्माण, मदिरा व्यवस्थापन,धार्मिक तथा पर्यटकीय क्षेत्रलाई विभिन्न बोर्ड गठन,समन्वय समितिको वार्षिक कार्य पारित तथा बजेट अनुमोदन,संघीय सांसद बद्री प्रसाद पाण्डे संस्कृति तथा पर्यटनमन्त्री नियुक्त र गएको मंसिर १६ गते सम्पन्न स्थानीय तहको उप निर्वाचनबाट उपाध्यक्ष पदमा निर्वाचित सुलोचना भण्डारीलाई बधाइ ज्ञापन लगायतका महत्वपूर्ण निर्णय गर्दै सातौं जिल्ला सभा सकिएको जिल्ला समन्वय समिति बाजुराका निमित्त समन्वय अधिकारी दिपेन्द्र पाण्डेले जानकारी दिएका छन् ।
उनले दिएको जानकारी अनुसार जिल्ला सभामा ९ वटै पालिकाका प्रमुख उप प्रमुख,अध्यक्ष उपाध्यक्ष र जिल्ला समन्वय समितिका सदस्यहरुको सहभागितामा  सभा संचालन गरिएको बताए ।
सभामा समन्वय प्रमुख तुलसीराम रोकायाले पेश गरेका महत्वपूर्ण विषयका प्रस्तावलाई सर्वसम्मतबाट पारित गर्दै सभा सकिएको निमित्त समन्वय अधिकारी पाण्डेले बताएका छन् ।
आज भएको सभामा स्थानीय तह संस्थागत स्वमुल्यांकनबाट प्रथम हुने बुढीगंगा नगरपालिका र स्थानीय तह वित्तिय सुशासन जोखिम मूल्यांकनमा जिल्लाको उत्कृष्ठ हुने जगन्नाथ गाउँपालिकालाई प्रशंसा पत्रले सम्मान गरिएको पाण्डेले भने ।
समन्वय प्रमुख तुलसीराम रोकायाले सभा संचालन गर्दै सभाका सदस्यहरुले सभामा लिएका निर्णय दफाबार छलफलपछि पारित गरेका छन् ।

• संसद विघटन