बाजुरामा चट्याङ लागेर १जना ना बालिकाको मृत्यु,१जना घाइते
सेती कर्णाली खबर
बिहिबार, चैत्र २७, २०८१ 0७:३२
बाजुरा—बाजुरामा चट्याङ लागेर ९ महिने नाबालिकाको मृत्यु भएको छ भने एक जना घाईते भएकी छन् । बुधवार राति ९ बजेको समयमा बुढीगंगा नगरपालिका वडा नम्बर १ तल्लो कुडीमा चट्याङ लागेर बिरु सार्कीकी ९ महिने ना बालिकाकाे मृत्यु भएको हो ।
जिल्ला प्रहरी कार्यालय बाजुराका प्रहरी निरीक्षक तथा सूचना अधिकारी जनक बहादुर बोहराका अनुसार घरमा चट्याङ पर्दा नाबालिकाको घटनास्थलमै मृत्यु भएको हो । उनका अनुसार चट्याङ लागेर मृतक नाबालिकाकी आमा अन्दाजी २८ की सन्जीता सार्की घाइते भएकी छन् । उनको शरीरको विभिन्न भागमा पोलिएको छ भने अहिले जिल्ला अस्पतालमा उपचार भइरहेको छ ।
चट्याङ लागेर ज्यान गुमाएकी नाबालिकाको शव जिल्ला अस्पतालमा राखिएको प्रहरीले जनाएको छ ।
