नेपालगन्ज जीप ठक्करबाट दुईजना मृत्यु एक जना गम्भीर घाइते

जित जङ्ग कटेल/नेपालगन्ज- बाँकेको जीपको ठक्कर बाट दुई जनाको मृत्यु एकजना गम्भीर घाइते भएका छन् ।

नेपालगन्जबाट कोहलपुरतर्फ जाँदै गरेको सुदूरपश्चिम प्रदेश ०१००१च ३४६३ नं को स्करपियो जिपले नेपालगञ्ज उपमहानगरपालिका–१८ कारकाँदोस्थित एसके पेट्रोलपम्प नजिकै गए राति ठक्कर दिँदा नेपालगन्ज १३ का २४ वर्षीया आस्था शाहको मृत्यु भएको छ । अर्का मृतक पुरुषको भने पहिचान खुल्न नसकेको जिल्ला ट्राफिक कार्यालयका प्रमुख प्रहरी निरीक्षक गोपीकृष्ण सुवेदीले जानकारी दिएका छन् । दुवैको उपचारको क्रममा अस्पताल लैजाँदै गर्दा मृत्यु भएको हो ।

उक्त घटनामा नेपालगन्ज १३ की सहाना शाह घाइते भएकी छिन् । उनको नेपालगञ्ज मेडिकल कलेजमा उपचार भइरहेको छ । जिप र चालकलाई प्रहरीले नियन्त्रणमा लिएर थप अनुसन्धान गरिरहेको छ ।